خالد الغندور يفتح النار علي شوبير.. عيب أنت أكبر من كده بكتير

هاجم خالد الغندور، نجم الزمالك السابق، الإعلامي أحمد شوبير، بعد استضافه إمام عاشور، نجم النادي الأهلي عبر قناة النادي.

وقال خالد الغندور، في فيديو على صفحته الرسمية “فيسبوك”: “إمام عاشور، كان ضيف الإعلامي أحمد شوبير على قناة الأهلي، إمام عاشور، قال: الكابتن الخطيب  قالي ركز ومتخسرش جمهور الزمالك فالكابتن شوبير قاله: “طبعًا إنت مش متعود على الحاجات دي”

وأضاف: “طبعًا حاجة عيب اللي قاله الكابتن أحمد شوبير، لأن ده نوع من التقليل من نادي الزمالك، عيب يا كابتن شوبير، إنت أكبر من كده بكتير”

وتابع: “لو الخطيب، قال لإمام عاشور، متخسرش جمهور الزمالك، هل من الطبيعي إمام، يروح يغني مع جمهور الأهلي ويعمل كابو  والجمهور. يقول “البيت بيضا”، هو أكيد عارف الجمهور قصده على مين”.

وأتم: “هل إمام عاشور، عمل بنصيحة محمود الخطيب؟ مفروض الكابتن شوبير، كان يقوله الكلام ده لكن عشان هو في قناة الأهلي مينفعش يقول الكلام ده، لكن في نفس الوقت مينفعش يقلل من نادي الزمالك ويرمي هذا الكلام”